Artur Trillo e Silvana Castro,  portavoz  e  coordinadora da plataforma Queremos Galego na comarca, explicaron, diante das persoas  da comarca de Bergantiños concentradas na praza do concello de Carballo, os motivos do rexeitamento á imposición do decretazo antigalego presentado polo goberno de Alberto Núñez Feijóo.

Ao final da lectura do manifesto reclamaron a retirada do decretazo.

A razóns son as seguintes: 

1- Porque non garante que os estudantes finalicen cada etapa educativa coas destrezas lingüísticas tamén en galego. 

2- Porque as nenas e os nenos das cidades e principais vilas non terán ningún contacto co galego até cumpriren os seis anos. Toda a escolarización en educación infantil será na chamada “lingua materna” maioritaria das familias. 

3- Porque é unha proposta feita de costas á sociedade galega. Non coñecemos outro goberno democrático do mundo que conte cun rexeitamento unánime a unha reforma educativa e que siga adiante a pesar de ter en fronte a todos os sindicatos, todas as asociacións estudantís e –excepto unha- todas as asociacións de nais e pais. 

4- Porque aplicar este decretazo vai supor enfrontamentos nos centros. A Xunta fai deixamento das súas funcións e traslada o problema ao profesorado, ao estudantado e ás familias, que serán parcialmente consultadas. 

5- Porque estas consultas parciais ás familias son pura propaganda da Xunta, pois en infantil preguntarase pola lingua familiar para que o ensino só se imparta no idioma da maioría e en primaria preguntarase cada catro anos por cal bloque de materias se pode impartir en galego. Neste disparatado deseño non se tiveron presentes nin criterios pedagóxicos nin o dereito a unha educación en igualdade. 

6- Porque este decretazo vulnera leis básicas (a Lei de normalización lingüística), acordos unánimes do Parlamento (o Plan xeral de normalización da lingua galega) e tratados internacionais sobre dereitos lingüísticos (a Carta europea de linguas rexionais ou minoritarias). 

7- Porque este decretazo estabelece que a Consellaría de Educación pase a fomentar a edición de libros de texto en español e en inglés, a pesar de contaren cun mercado editorial fortísimo. A Xunta diminuirá así os fondos económicos para a promoción de material pedagóxico en galego, a pesar de ter serias carencias aínda en moitos ámbitos. 

8- Porque abre as portas a que se expediente ao profesorado que imparta en galego algunhas materias, como matemáticas, física e química e tecnoloxía. 

9- Porque con esta norma pasamos a ser a única comunidade do Estado español na que se limita que algunhas materias non poidan ser nunca impartidas na lingua propia e na que se posibilitará que os nenos e as nenas non o escoiten na escola (salvo como actividade extraescolar) até faceren os seis anos. 

10- Porque é unha agresión á dignidade da nosa cultura que haxa un goberno da Xunta que ande ás patadas coa lingua propia do noso país. 

Ante esta situación, cómpre continuarmos cunha mobilización intensa, á cal está chamada o conxunto da sociedade, tanto falantes de galego como falantes de castelán. O goberno de Núñez Feijóo quere acelerar a extinción do galego, levándonos a un marco legal preautonómico. De nós depende evitalo!

 PAREMOS O DECRETAZO CONTRA O GALEGO!

Subo hoxe ao blogue  o acto comarcal do BNG (presentación, 3 vídeos e varias imaxes) con motivo do día internacional das mulleres, no que as compañeiras do BNG nos expresaron que debemos  asumir, todos os días do ano, como nacionalistas o herdo de Rosalía e traballar sen descanso por conquistarmos a igualdade real de oportunidades entre homes e mulleres. Rosalía, patriota galega defensora dos dereitos das mulleres, expresou moi ben a existencia da nosa  identidade nacional.

Parte 1: Presentación do acto por parte de María Rei (Responsábel de Muller e Ensino do BNG da Laracha). Laura Mariño (Responsábel de Galiza Nova da comarca de Bergantiños) fai unha lembranza de Rosalía de Castro, patriota galega defensora dos dereitos das mulleres, quen expresou moi ben a existencia da nosa  identidade nacional.

 Parte 2: Continuación do Manifesto por parte de Laura Mariño e poesías a cargo de Laura e Irene Medín (Responsábel de Galiza Nova na Laracha). Intervención de Mónica Castro (concelleira do BNG da Laracha) sobre a realidade dos servizos sociais nesta etapa conservadora.

 Parte 3: Intervención de Nieves Suárez (Responsábel comarcal da Área da Muller) facendo lectura do Manifesto do BNG. Presentación “Traballadoras” en homenaxe á loita das mulleres galegas (María Rei)

Subirei o vídeo e as imaxes do acto no que as compañeiras do BNG nos expresaron que debemos  asumir, todos os días do ano, como nacionalistas o herdo de Rosalía e traballar sen descanso por conquistarmos a igualdade real de oportunidades entre homes e mulleres. Rosalía, patriota galega defensora dos dereitos das mulleres, expresou moi ben a existencia da nosa  identidade nacional.

 Nunha das intervencións fíxose un percorrido polas reaccionarias políticas executadas  polo PP na Xunta  Galiza, que provocaron, entre outros efectos negativos para a poboación,   o incremento  de persoas en paro, a maioría delas mulleres.

 Tamén se  falou da campaña de privatización dos servizos de benestar por parte dos políticos da dereita, política que vai contra as mulleres. Nese día, o PP optou por disfrazarse, reproducindo os peores estereotipos de xénero. Unha burla ás mulleres, á loita feminista. Mais, un exemplo evidente témolo no conservador goberno municipal da Laracha, onde para unha tarefa de responsabilidade similar, os concelleiros cobran un 40% máis que as súas compañeira con adicación exclusiva ao cargo.

O segundo resumo, unha das manifestacións convocadas pola CIG para mañá mércores 10 de marzo con motivo do Día da Clase Obreira Galega; a da Coruña, na Palloza ás oito da tarde, que me queda máis perto.

Por hoxe deixámolo aquí, xa que a Mesa do Parlamento acordou, na súa reunión deste pasado luns á tarde, por maioría rexeitar a admisión a trámite da Iniciativa Lexislativa Popular sobre os usos públicos do galego nos ámbitos das administracións públicas e o ensino que a plataforma Queremos Galego veu promovendo nos últimos meses. Mais non conseguirán os ultras do PP  ter silenciado a Queremos Galego, por moito terror que o Partido Popular teña a debater no Parlamento sobre os dereitos lingüísticos das galegas e galegos.

A maior mobilización no ensino, nunca vista na historia deste país – en palabras de Guillerme Vázquez, Portavoz Nacional do BNG – amosa como o extremista PP, no (des)goberno da Xunta de Galiza, atópase só na defensa do seu decretazo contra o galego. A sociedade dille,  manifestación tras manifestación (e xa van catro en menos dun ano de lexislatura) a Núñez Feijóo que deixe de atacar un dos  sinais de identidade máis importantes do país.

Centos de persoas da comarca de Bergantiños e da Costa da Morte, igual que noutras comarcas de Galiza, desprazámonos en transporte colectivo e particulares  á capital de Galiza. A de hoxe foi a cuarta manifestación na defensa do idioma propio do noso País, de Galiza. E, segundo portavoces da plataforma Queremos Galego, xuntou ao redor de 60.000 persoas (a CIG cifra a participación nunhas 80.000) que ateigaron a praza do Obradoiro. O portavoz da plataforma Queremos Galego, Fran Rei, asegurou que a súa entidade levará aos tribunais a quen mente e a quen difame, en clara  alusión ao PP sobre a defensa do idioma.
Rei destacou tamén a participación especial do presidente da Asociación Internacional de Estudos Galegos, Craig Patterson, quen acusou ao PP de utilizar o inglés propagandisticamente para atacar o idioma propio de Galiza.

O presidente da Mesa pola Normalización Lingüiística, Carlos Callón, afirmou que “sempre nos din (os do PP) que somos uns radicais, que coaccionamos ao profesorado e estudantado”. Ao respecto, dixo que “a realidade vexe hoxe nas rúas de Santiago”. Hai unha “mobilización unánime por parte da sociedade galega, especialmente por parte da comunidade educativa”, rexeitando este decretazo contra o galego.

 Para o secretario xeral da CIG-Ensino, Anxo Louzao “estamos ante unha das manifestacións con máis participación e máis seguimento da historia do ensino na Galiza”. Segundo os datos que achegou, un noventa por cento das e dos mestres e alumnado secundou a folga en todo o país. “Estamos ante unha folga co apoio do estudantado, de pais e nais hoxe e hoxe as aulas están valeiras en repulsa e rexeitamento a unhas bases que queren rexeitar o galego do ensino.

 O (seica)presidente da Xunta sabe que non conta con ningún consenso do profesorado, o estudantado, as familias e da sociedade en xeral para este decretazo. Por iso debe parar nesa teima. E non lle vai quedar outro remedio.

 Nota:

- A primeira manifestación o Día das Letras: 40.000 persoas.

- A segunda 18 de outubro de 2.009: 50.000 persoas.

- A terceira (manifestación – sorpresa) á porta de San Caetano, 5.000 persoas a través de  SMS, na reunión da Xunta para aprobar o borrador de decreto.

- A cuarta manifestación, do sector do ensino,hoxe e en un día laboral: 60.000 persoas.

Parabéns á CIG (un dos grandes colectivos integrantes de Queremos Galego) polo traballo organizativo tan ben realizado. Se sempre foi necesario para as clases traballadoras poder dotarse dun sindicato nacionalista, hoxe demostrouno ser para o colectivo do País.

Repartindo material informativo. Queremos Galego!

 de mañá, tendo en conta  as acusacións falsas e os insultos contra as asociacións da nosa localidade,  integradas na plataforma Queremos Galego, e contra o BNG. Mais o mellor é que reflexionasen e escoitaran á sociedade, en vez de adoptar medidas ultra dereitistas, radicais, en contra da  lingua do noso país, contra toda a sociedade galega.

Digo isto debido ao comunicado feito público polo PP da Laracha contra   un grupo de nais e pais da Laracha. Porque nos atacan? Por  repartir  dípticos informativos e autocolantes informativos  (moi bonitos, por certo) sobre o decreto contra o galego á saída dos centros de ensino da localidade. Nós, como nais e pais (membros da comunidade educativa) e como responsábeis das asociacións Quinta Feira e A Cutareira (integradas na plataforma Queremos Galego)  participamos nas actividades informativas da folga xeral do 21 de xaneiro para informar  á comunidade educativa da Laracha da razón da convocatoria do paro xeral no ensino, e animando  a que se unan á folga e á manifestación que sairá mañá ás 11,30 h da Alameda de Santiago de Compostela.

O suxo comunicado do PP dicía que “unha serie de persoas afíns á plataforma Queremos Galego! e representantes do BNG da Laracha  dedicáronse a repartir propaganda na saída da escola á xente que alí se atopaba, incluídos rapaces de entre 3 e 12 anos de idade, que marcharon para a casa con cromos e panfletos que tiñan por título paremos o decretazo contra o galego”.

O PP tachou  o noso lexítimo dereito de loitar, como país e nais para que ás nosas fillas e fillos non se lles vulnere o dereito a unha educación de calidade e en galego de “claro e grave intento indecente de manipulación política» y acusaron a Queremos Galego! de tratar de «imporlle á sociedade, incluídos os nenos, as súas ideas, e crear un conflito onde non o hai”.

Vaia! que os creadores do innecesario e conflitivo decretazo antigalego, co obxectivo de obter un miserábel rédito electoral, acúsannos aos da foto, igual que a moitas nais e pais, ao BNG e outros colectivos na defensa do noso idioma e cultura do noso País, de ser un perigo para a sociedade. Case daría a risa se non pretendesen eles, co ataque ao galego, o exterminio da Cultura Galega alimentando o auto-odio, e converter á sociedade galega nunha submisa cidadanía de segunda categoría, subordinada cultural, económica e ideoloxicamente ao ditado do centralismo ultraconservador

repartindo material de Queremos Galego na Laracha

 esixencia cidadá de retirada do decretazo contra o galego e para que a Xunta aplique unha política educativa de defensa e promoción do noso propio idioma. O PP, que (mal)goberna o noso País, pretende diminuír a presenza da nosa lingua no ensino, para que ás nosas fillas e fillos se lles vulnere o dereito a unha educación de calidade e en galego, pondo ademais en perigo a pervivencia da nosa propia cultura.

 A plataforma Queremos Galego, promovida pola Mesa pola Normalización Lingüística e hoxe integrada por máis de 600 entidades, entre as que se encontran Quinta Feira e A Cutareira da Laracha, convocou para ese día unha folga xeral do ensino para exixir a retirada do decretazo contra o galego e para que a Xunta aplique unha política educativa de defensa e promoción do noso idioma propio.

 Facéndolle caso ao dito pola  MESA – aínda hai tempo para facer o posíbel para que a contestación do 21 de xaneiro estea á altura desta agresión histórica – e como integrantes das asociacións anteriormente nomeadas, participamos nas actividades informativas da folga xeral do 21 de xaneiro para informar, dentro das nosas posibilidades, á comunidade educativa da Laracha da razón da convocatoria do paro xeral do ensino e animando  a que se unan á folga e á manifestación que sairá ese día ás 11,30 h da Alameda de Santiago de Compostela.

 Por que rexeitamos este decretazo?

Francisco Jorquera, deputado no Congreso polo BNG, estivo este venres, 15 de xaneiro, na Laracha para explicar a posición do Bloque Nacionalista Galego sobre un dos debates de maior trascendencia no presente e con maior repercusión de cara ao futuro: a Lei de Caixas.

 Este acto foi presentado polo Responsábel Local do BNG, Fernado Gesto Montes, quen abriu a conferencia explicado como se foi andando o camiño para a aprobación da Lei de Caixas Galega.

 Comezou a súa intervención Francisco Jorquera explicando que a nova Lei de Caixas, que é unha iniciativa do BNG, democratizará os órganos de xestión, vai permitir unha caixa ao servizo de Galiza que potencie o desenvolvemento da economía produtiva do País.

 Lembrou Jorquera que hai un desexo do poder central, do que participa naturalmente o grupo socialista e o PP, e que en esencia apunta cara á deslocalización das caixas e á súa posterior bancarización. Nun camiño  que  apunta ao liberalismo estremo, que é o que conduciu á crise financeira internacional.

 O Goberno Galego debe aplicar a Lei de Caixas aprobada polo Parlamento a instancias do BNG e debe apostar sen ambigüidade pola fusión galega.

Ou temos esa caixa galega ou teremos unha sucursal doutras caixas foráneas fusionadas cun centro de decisión fóra de Galiza. Perderíamos institucións financieiras propias. Isto repercutiría negativamente nas pequenas  e medianas empresas do País. Esa é a dialéctica real.

Aquí podes ver a intervención de Francisco Jorquera na Laracha, dividida en catro partes:

Parte 1
 Para ver as seguintes partes clica en

Parte 2

Parte 3

Parte 4

 país. A conferencia será presentada polo Responsábel Local do BNG, Fernando Gesto Montes.

Francisco Jorquera, deputado no Congreso polo BNG, estará este venres, 15 de xaneiro, na Laracha (20.30 horas, aula cultural de Caixa Galicia) para explicar a posición do Bloque Nacionalista Galego sobre un dos debates de maior trascendencia no presente e con maior repercusión de cara ao futuro: a Lei de Caixas.

Feijóo sementou dúbidas sobre as súas verdadeiras intencións a respecto dofuturo das caixas galegas nunha recente entrevista na cadea Cope, deixando entrever que estaría en disposición de estudar alternativas distintas á da fusión galega. Mais agora non é hora de vacilacións. É hora de decisións.

 O Goberno debe aplicar a Lei de Caixas aprobada polo Parlamento a instancias do BNG e debe apostar sen ambigüidade pola fusión galega. Calquera outra opción sería facerlle o xogo a algúns que continúan tendo como obxectivo a desgaleguización destas entidades e a súa progresiva privatización.

Nese sentido, cabe inserir unhas declaracións de Mariano Rajoy claramente partidarias de ir cara á un modelo de

Francisco Jorquera, Portavoz do BNG no Congreso dos Deputados

 bancarización destas entidades, coa introdución de accionistas privados.

 ESE É O MODELO DO PP ESTATAL E TAMÉN O MODELO DO GOBERNO DE ZAPATERO. Sería tanto como apostar por unha saída neoliberal á crise do sistema financeiro no Estado. No canto de apostar por un maior control público para previr novos cracks financeiros, o Goberno do Estado, en connivencia co PP, continúa planificando a entrega das caixas á banca privada. A mesma banca privada que prefire investir o seu capital en mercar bonos do tesouro no canto de cumprir coa súa función de fornecedora de crédito a particulares e empresas.

O Goberno do Estado volve, pois, a apostar pola economía especulativa e non pola produtiva.

Os sectores que se opoñen á fusión galega non o fan para defender os intereses de Vigo, fano para defender os intereses dalgún directivo e para defender a estratexia centralista e privatizadora do Goberno de Madrid.

Están actuando como cabalo de troia da banca privada española, que ten como obxectivo a absorción das caixas galegas. Porque eles saben perfectamente que a única opción de que o centro de decisión das caixas galegas fique en Galiza pasa pola fusión galega.

Fernando Gesto Montes, Responsábel Local do BNG da Laracha

A caixa galega será de todo o País, será unha caixa paritaria, non será nen do Norte nen do Sur. Será galega.

Ou temos esa caixa galega ou teremos unha sucursal de Cajamadrid no Norte e outra dun grupo liderado por Caixaastur no Sur. Esa é a dialéctica real.

Promesas electorais fixo ben delas, case todas incumpridas (menos as anteriormente citadas), mais o emprego, desde que o PP chegou de novo á Xunta, e a economía galega van de capa caída. Un ano de Goberno TUCSIM, aplicando medidas neoliberais, trouxo consecuencias demoledoras para a clases traballadoras: hai na Galiza 223.000 persoas en paro.

Non habería que denunciar a Feijóo por publicidade enganosa e polas desfeitas que está a facer no noso País? Se cadra chegaba con que as galegas e galegos aprenderamos a votar.

Podería comentar, como calquera observador da realidade, o que fixo o PP no tempo que leva de lexislatura, mais semella bastante ben resumido na presentación do camarada Xosé Cotelo, presidente da A.VV. A Cutareira da Laracha e autor dunha das presentacións máis reenviadas a través dos correos electrónicos: para que serve o ogalego. Convídote a ver que fixo o PP durante o 2.009

Nunha conversa posterior con diversas persoas, na que falabamos sobre as distintos xeitos dos que actúa o imperialismo no mundo para facerse coas riquezas  ou eliminar os elementos de autogoberno, a conciencia social ou o dereito á autodeterminación dos pobos, chegamos a falar do Congo. Ninguén coñecía que a maior reserva do coltán (80% das existencias deste raro mineral no planeta) está na República Democrática do Congo (RDC).

Do coltán  extráese o tantalio (posúe unha gran resistencia ao calor e excelente conductividade) que é imprescindible para a fabricación de novas tecnoloxías. Desde o móbil que usamos até as naves espaciais, pasando polos computadores portátiles e as videoconsolas. Todas levan coltán e precisamente atópase na zona en conflito onde desde 1998 morreron case cinco millóns e medio de persoas.

O Congo ten tanta riqueza que coa súa explotación debería nadar na abundancia, mais non é así. Desángrase por un conflito económico de gran alcance onde a existencia do coltán e as trasnacionais ten moito que ver,  xa que o mundo occidental semella que non pode vivir sen ese preciado mineral. Diso pouco sabemos a través dos medios de información xeral. Por iso convídovos a ver a presentación “alixeirada” que María Rei subiu á rede.