Mentres que a actual crise mundial volveu demostrar que as épocas de grandes conmocións económicas adoitan enriquecer aos ricos e empobrecer aos pobres, os gobernos deseñan programas de austeridade especialmente punitivos para os traballadores (deprimíndonos os salarios e os dereitos sociais).
Na presentación do compañeiro Xosé María Cotelo visualízase como os gobernos liberais e conservadores toleran a manipulación do mercado financeiro que só ha de beneficiar á elite económica, pasando o sufrimento á maioría social. Mentres que os responsables da desfeita económica foron rescatados con cartos públicos procedentes de futuros impostos, a crise impútasenos agora aos traballadores, seica por recibir uns salarios “elevados” e uns beneficios sociais considerados “excesivos” que, din, ameazarían a competitividade das economías dos países.