Jara terá un velorio de tres días, para que os seus compatriotas lle ofrezan a homenaxe que non puido recibir entón.

O enterro do autor de cancións como «Te recuerdo Amanda» e «¡Ay, canto, que mal me sales!» terá lugar mañá sábado 5 de decembro.

Desde a sede da Fundación sairá un cortexo que percorrerá as rúas até o Cemiterio Xeral.

O cantautor e director de teatro foi asasinado no Estadio Chile, un recinto deportivo utilizado como centro de reclusión e tortura, días despois do golpe de estado que o 11 de setembro de 1973 terminou co mandato do presidente Salvador Allende (1970-1973).

Segundo determinou a investigación xudicial, foi brutalmente golpeado e torturado, as súas mans sufriron golpes de culatas de fusís e despois recibiu 44 disparos en todo o corpo.

Documental de Telesur
Xuño de 2009, norte de Teherán. Vemos nas televisións mozos ataviados de verde denunciando fraude nas eleccións iranianas entre nubes de gases lacrimóxenos lanzados pola policía. Estados Unidos e Europa mostran a súa solidariedade coa rebelión democrática que se transmite a través do ciberespacio. Mais rematado o esplendor mediático máis de un se pregunta que había de realidade naquelo.