Pretendía o presidente anti-galego da Xunta de Galiza, Feijóo, evitar as protestas da oposición, dos sindicatos e de boa parte da comunidade educativa, adiantado  a data do borrador do novo decreto do galego no ensino para este mércores 30, en plenas vacacións e dúas semanas antes de que o alumnado e os profesorado volten aos centros de ensino.

 Mais non o conseguiu, xa que milleiros de persoas, convocadas pola plataforma Queremos Galego, concentráronse na Praza do Obradoiro de Santiago de Compostela contra o borrador de Decreto do galego presentado hoxe mesmo pola Xunta de Galiza. Feijóo, que amosou ser un “miedicas”, trasladou a reunión ao complexo administrativo de San Caetano mais, aínda así, tivo que oír a mensaxe enviada hoxe polas miles de galegas e galegos. A mensaxe era clara: o PP debe cumprir o mandato estatutario sobre a defensa do idioma galego e, polo tanto, da nosa cultura e da nosa identidade nacional como pobo diferente.

Read the rest of this entry »

Aínda que os medios de comunicación non nos informan de nada, o ano remata para moitos hondureños do mesmo

Denuncian que a Dirección Nacional de Investigación Criminal (DNIC) interrogou a desaparecidos.

 xeito que o fixo o curto periodo democrático. Igual que noutras partes do planeta, o imperialismo segue a facer o de sempre, por iso non cesa a represión do réxime de facto, apoiado por EE.UU., contra os dirixentes das organizacións opositoras. Máis de corenta líderes destes movementos e organizacións foron asasinados desde o momento do golpe de estado do 28 de xuño, co silencio e ambiguedade dos EE.UU. A mesma actitude imperial que cando se produciu o golpe de estado.

 O fotógrafo Edwin Renán Fajardo Argüeta (coa súa cámara fotográfica era un combatente activo da Resistencia, ademais de participar en manifestacións e noutros actos de protesta)  propúñase celebrar o Nadal coa súa familia nas Illas de Baía. Pero pouco antes da festa o seu corpo foi atopado no seu apartamento con pegadas de morte violenta.

Outro  membro da Fronte da Resistencia contra o golpe de estado de Honduras, Santos Corrales García,  foi decapitado presuntamente pola Policía ás ordes do réxime de facto que goberna ese país. Read the rest of this entry »

 Convídovos a ver os vídeos (clicando en ler máis) do acto contra a violencia de xénero no local do BNG da Laracha. Unha xornada reivindicativa organizada polo BNG da comarca – dentro das Xornadas Nacionais do Bloque Nacionalista Galego de reivindicación de máis sensibilización, máis medios e máis recursos contra a violencia de xénero-  e celebrada o pasado  mércores 25 de novembro, ás 20:00 horas, baixo o título: O final do conto de fadas.

Pode entenderse pasado de data, tendo en conta que se falou desta xornada nun artigo do mes anterior. Mais todos os días deben ser días contra a violencia machista, xa que a  loita contra a violencia de xénero non é prescindíbel, non e algo supérfluo, senón que é fundamental se queremos acadar unha sociedade igualitaria e democrática.

  María Rei Vilas, responsábel de Muller e Ensino do BNG da Laracha, presentou o acto e doulle a benvida ás persoas asistentes no nome das persoas  que participaron na realización desta xornada.

 Continuou coa quenda  de  intervencións Irene Medín Blanco, responsábel local de Galiza Nova, que  comezou reivindicando un dereito humano fundamental, que é o dereito das mulleres a vivir sen violencia.  

E comezaron, cunha vital interpretación de dúas nenas – Uxía Cotelo Varela, Sabela Mirás Fernandez, –  os contos “Rosa caramelo” un conto con final feliz, “Cincenta non quería comer perdices” e   finalizou  Antía de la Fuente Rey  cunha intensa representación  sobre “O final do conto de fadas”.

Rematándose o acto cunha proxección didáctica sobre a violencia de xénero. Read the rest of this entry »

            Dicir que os orzamentos son moi malos é pouco; son peores, con diferenza, a outros anos. E non só por que as partidas orzamentarias sexan baixas, que o son, senón que a mala distribución por capítulos e as consecuencias derivadas de anos anteriores levaron a manter un  deseño dunha recadación irreal, fantasiosa. Isto indica o mal camiño seguido por José Manuel López Varela e resto de concelleiros do PP ao longo dos anos,  ao basear só os ingresos propios do orzamento municipal nas licencias urbanísticas.

Isto agrávase diante da actitude negativa do PP na Xunta de Galiza, xa que os principais recortes dos orzamentos galegos aparecen no capítulo 4, de gasto social, que baixan un 3,4% e no capítulo 6, de investimentos reais, un 14,4% menos, mentres que as transferencias aos concellos diminúen un 7,7%. Read the rest of this entry »

O Cumio do Clima de Copenhague non conseguiu convertirse no tratado internacional sobre reduccións de CO2 que substituíse o Protocolo de Kioto. Aínda que o presidente estadounidense afirmase  que, por primeira vez na historia, a totalidade das principais economías se uniran  para aceptar a súa responsabilidade e adoptar medidas ante a ameaza do cambio climático, o Cumio de Copenhague finalizou cun acordo de mínimos que non cumpre cos obxectivos expostos inicialmente, debido ás diferenzas entre países ricos e economías en desenvolvemento.

 Os países da Alianza Bolivariana para los Pueblos da nuestra América (Alba) e Tuvalu defenderon a necesidade de coidar o planeta e lembraron que os señores poderos, líderes dos países desenvolvidos, deben gardar as súas chequeras e liderar os seus gobernos con principios que clamen pola vida. Read the rest of this entry »