Esta recente presentación gráfica (feita polo camarada Xosé Cotelo) do anterior decreto eólico sírveme para lembrarvos  o que se dixo varias veces neste blogue sobre que Galiza era a gran beneficiaria da resolución do concurso eólico, xa que o 14 por cento da potencia eólica no decreto eólico aprobado na lexislatura anterior (goberno bipartito) quedaba en mans públicas.
E que iso implicaba que Galiza e as galegas e galegos serían os grandes beneficiarios da anterior resolución.

 E que a consellaría de Innovación e Industria, liderada polo conselleiro nacionalista, Fernando Blanco, acordara admitir a trámite, trala resolución da comisión de valoración, un total de 2.290 megavatios eólicos, dos 2.325 que se poderían acoller. O 14,2% ( un total de 325,74) serían cedidos á Xunta de Galiza, xerando nesas circunstancias 30 millóns de euros por ano.

Que o PP o botase abaixo, coa súa chegada ao goberno galego, está influíndo xa na baixada dos orzamentos galegos.

Xa temos falado neste blogue, e non positivamente,  do proxecto de orzamentos que vén de ser presentado polo goberno da Xunta. Tampouco o BNG considera o presuposto do 2.010 bo para Galiza, xa que  reflicte á perfección a situación que as galegas e galegos padecemos desde a chegada do PP ao Executivo: a máis absoluta inacción e parálise dun goberno que carece de alternativas para enfrontar a crise. Read the rest of this entry »

As últimas novas obríganme a deixar un tempo a colaboración nos preparativos do Samaín que Quinta Feira está a organizar para este venres na Laracha (a canda o magosto da Cutareira) para  escribir no blogue, que tan descoidado teño estes días.

Hai tempo lin unha noticia relativa a uns estudos onde uns investigadores comprobaron que os peixes alteran o seu esforzo reprodutivo para adaptarse ao ambiente. En ambientes hostís  producían máis embrións no seu ciclo reprodutivo. Isto ten sentido porque con contrarios ao seu redor un non ten tantas oportunidades para reproducirse. En augas menos perigosas producían menos embrións por vez, xa que así a cantidade de recursos gastados para a reprodución é menor.

Iso lle debe pasar ao PP, que dada a dificultade manifesta para ocultar a aceptábel xestión do anterior goberno da Xunta (onde o BNG era o motor dos cambios estructurais), abre moitas frontes de conflitos cun considerábel esforzo reprodutivo  para  incrementar a posibilidade de supervivencia. Read the rest of this entry »

A Asemblea Nacional de Galiza Nova,  que tivo lugar este fin de semana, elixiu  unha nova dirección (formada por 25 persoas ás que se sumarán @s responsábeis eleitos nas comarcas) e fixou ademais o traballo político de Galiza Nova para os próximos dous anos.

 “Alternativa Xuvenil pola Unidade”, encabezada por Iria Aboi Ferradás (novamente elixida secretaria xeral de Galiza Nova) consigue 15 dos 25 postos na nova dirección, grazas a un traballo máis pegado á realidade física que as compañeiras e  compañeiros das outras candidaturas concorrentes. “Proposta Militante”, encabezada por Noa Presas Bergantiños, consigue 5 e  “Entre tod@s, Galiza Nova”, encabezada por Inhigo Ansótegui Soares, outros 5.

Visualizouse claramente a vontade de integración en  Galiza Nova ao acordarse que na Permanente da Dirección Nacional estean representadas as tres correntes presentadas (7, 2, 2 respectivamente) .

  Do debate deste proceso sae unha Galiza Nova máis  reforzada para poder facer fronte con máis forza e contundencia ás políticas ultra – conservadoras do PP que tanto dano están a facer á xuventude, un dos sectores máis castigados polas medidas da rancia dereita instalada no actual goberno galego. Read the rest of this entry »

Eva Golinger ofrece a nova evidencia sobre os últimos investimentos da CIA nun negocio dedicado ao monitoreo e rastrexo de información que aparecen nos medios e redes sociais. Esta empresa, Visible Technologies, vixía cada día máis de medio millón de sitios en internet, revisando máis dun millón de conversacións, foros e posts en diferentes blogues, foros en liña, Flickr, YouTube, Twitter e Amazon.

 Os clientes de Visible Technologies reciben información en tempo real sobre o que se está dicindo e facendo no ciberespazo, baseada nunha serie de palabras claves. Esta noticia foi publicada o 19 de outubro na revista WIRED e permíteme abrir unha pequena serie de artigos sobre o uso das novas tecnoloxías para o control da sociedade, que se “vende” como incremento da seguridade  para cidadanía.

 Eva Golinger é unha avogada, escritora e investigadora venezolano-estadounidense, está dedicada na actualidade á investigación sobre a inxerencia de Estados Unidos de Norteamérica en países de América do Sur. Autora de “O código Chávez” (2005) e “‘Bush vs. Chávez: a guerra de Washington contra Venezuela”, os seus libros foron traducidos ao inglés, francés, alemán e italiano. Nacida en EE.UU. pero de familia venezolana,  actualmente vive en Venezuela sendo unha destacada defensora da Revolución Bolivariana. Read the rest of this entry »

Así analizaron hoxe en rolda de prensa o portavoz parlamentar do BNG, Carlos Aymerich, e o responsábel comarcal, Vítor Recarei,  os orzamentos galegos para o ano 2010 que vén de presentar o actual goberno autonómico.

A comarca de Bergantiños sofre unha involución nos investimentos con respecto aos últimos anos, e as liñas de actuación postas en marcha son freadas polo  actual executivo autonómico sen ofrecer ningunha alternativa.

En palabras de Carlos Aymerich, os orzamentos non cumpren ningunha das tres premisas de que alardea o goberno. Ao contrario do que se di, non son uns orzamentos austeros, xa que se vai ao límite do endebedamento e se aumenta porcentualmente o gasto corrente.

Os orzamentos tampouco ofrecen solucións fronte á crise, asumen unhas altas taxas de desemprego e non deseñan ningún reforzo das políticas activas de emprego, ao tempo que baixa o investimento en solo empresarial.

E tampouco se pode dicir que sexa un orzamento social. Por primeira vez na historia do goberno autonómico, baixa a cantidade destinada aos gastos sanitarios e educativos.

Ademais de todo o anterior, os orzamentos supoñen unha baixada do investimento real de até un 14%.

A liña política xeral maniféstase tamén na bisbarra de Bergantiños. As grandes liñas de equipamentos sociais postas a andar nos últimos anos de goberno bipartito (galescolas, centros de día…) sofren unha parada en seco. Read the rest of this entry »