Se a revolución humana, chea de dignidade, respecto  pola defensa da soberanía e autodeterminación dos pobos se expande polo universo seguro que un dos lugares onde se inicia é en Suramérica. Se @s dirixentes dos países falan con tanta claridade a transformación social vai, aínda que sexa máis lenta do desexado por culpa da poderosa oligarquía e do imperio, pero vai.

Clica neste máis que interesante resumo da reunión de UNASUR que nos deixa o programa Dossier

 Cun compromiso a non permitir a inxerencia en asuntos internos dos pobos para garantir a integración rexional e fortalecer a Suramérica como zona de paz, culminou este venres o Cumio Presidencial Extraordinaria da Unión de Nacións Suramericanas UNASUR.

Ademais, acordouse unha reunión dos ministros de Defensa da Unasur na primeira quincena de setembro coa finalidade de revisar os acordos entre Estados Unidos e Colombia, que permiten a instalación de bases militares en territorio colombiano. Os mandatarios realizaron o pedido da reunión tras disentir dos argumentos que presentou o presidente colombiano, Álvaro Uribe, para xustificar a instalación das bases, un tema que preocupa no hemisferio Sur, e causa de que se lle convocase o pasado venres á Unión de Nacións Suramericanas

Así mesmo, o Consello Suramericano de Defensa estudará o documento presentado polo presidente da República Bolivariana de Venezuela, Hugo Chávez Frías, denominado “Libro Branco do Comando de Mobilidade Aérea e Estratexia Global de Bases de Apoio do Goberno de Estados Unidos”. Documento do que xa falamos nun artigo anterior.