A Xunta pode impulsar unha fusión entre Caixa Galicia e Caixanova que impida que os aforros dos galegos marchen fóra, reclama o BNG. Os nacionalistas, que avogan por un proceso ordenado que defenda os intereses de Galiza, contando cos axentes sociais e cos sindicatos que conduza á creación dunha única e grande caixa galega.  Consideran necesario que os directivos de Caixanova e Caixa Galicia superen ‘localismos’ e se fusionen para evitar a absorción por Caja Madrid.
E a postura do PP?

 O  PP de G mantense en silencio e non aclara se está ou non a prol do veto da Xunta no caso de que a fusión se tente levar a cabo e rexeitan pronunciarse sobre unha eventual fusión entre Caixa Galicia e Caixanova. Aínda que Mariano Rajoy defende claramente a absorción das caixas galegas e Caja Mediterráneo de Valencia por parte de Caja Madrid nas tres autonomías gobernadas polo PP.

Esta posibilidade, segundo explica o deputado nacionalista, Francisco Jorquera, produciría uns efectos negativos no emprego das entidades galegas, a desaparición do sistema financeiro propio, a expatriación dos aforros dos galegos, a externalización da sede social (que pasaría para a capital do estado español) e dirección, xunto a perda de capacidade de xestión en Galiza.