Os gobernos progresistas de Suramérica temen a materialización dun golpe de estado contra o presidente hondureño, Manuel Zelaya. O intento de golpe de estado ven  despois  dos diferentes esforzos de sectores oligárquicos para evitar que se realice nese país unha consulta non vinculante,  este vindeiro domingo,  ao redor dunha Asemblea Nacional Constituínte. É a oligarquía, toda esa alianza de forzas burguesas e retrógradas que están tratando de frear unha consulta popular. Téñenlle medo ao pobo.

 O embaixador de Honduras ante a Organización Estados Americanos (OEA), Carlos Eslamiada, sostivo hoxe venres que o seu país necesita do rápido exercicio do sistema interamericano co obxectivo de garantir a institucionalidade democrática no país centroamericano. Durante a súa intervención na sesión extraordinaria da OEA para tratar o tema de Honduras, Eslamiada manifestou que “é o momento de que a nosa carta democrática non sexa obxecto de comentarios senón de exercicios prácticos”.

Os gobernos integrantes da Alianza Bolivariana de los Pueblos de nuestra América (Alba) sinalaron a través dun comunicado que se mobilizarán ante calquera intento da oligarquía de quebrantar a orde constitucional e democrático da República de Honduras. Read the rest of this entry »

A Alternativa Bolivariana para los Pueblos de nuestra América (ALBA) pasará a chamarse Alianza en lugar de Alternativa por decisión  dos países integrantes, nun cumio extraordinario celebrado en Venezuela, segundo información publicada  pola axencia estatal cubana, Prensa Latina. ALBA  xurdiu como alternativa á promovida por Estados Unidos de América,  Área de Libre Comercio de las Américas (ALCA) .

O ALBA é unha iniciativa de integración para os países de América Latina e o Caribe, promovida por Venezuela, que busca a unión a través un mecanismo económico, político e social. Grazas a este mecanismo de cooperación – que ten como principios reitores a xustiza, a solidariedade, a cooperación, o respecto á soberanía e autodeterminación dos pobos con énfase no desenvolvemento humano e social, ademais do político e económico – este mundo do ALBA sostense na vontade común de avanzar no desenvolvemento equitativo dos pobos suramericanos e caribeños, desde o respecto a identidade, á súa cultura e esencia de pobo.

Co ALCA a pobreza e a miseria estendéronse por todo o hemisferio suramericano. O control hexemónico que durante décadas mantivera EE.UU. sobre países latinoamericanos, e as políticas neoliberais impostas por Washington mediante o Fondo Monetario Internacional (FMI), o Banco Mundial (BM) e o Banco Interamericano de Desenvolvemento (BID) foron causas fundamentais do saqueo das riquezas da rexión en detrimento das maiorías sociais. Por iso os gobernos progresistas da área visualizaron a necesidade de integrarse para sacar aos seus países da deprimente situación social á que se chegou.

Read the rest of this entry »

Existen outros xeitos tamén acertados de expresar o rexeitamento ao xenocidio cultural que o realizado en GZnación por Gonzalo Viñas . O  creador dos máis que acertados debuxos debe ter moito humor, sarcasmo e moita imaxinación para enviar tan boas mensaxes a través do debuxo.

El expresa na ilustración unha clara mensaxe e por outra banda a dúas persoas que son caricaturas de si mesmos.  A cruzada contra o galego é así de clara desde que Feijóo, á cabeza do goberno da Xunta,  levantou a bandeira do odio contra a nosa lingua, contra a nosa cultura.

 Calquera persoa pode ver que o  PP está na máxima disposición de discriminar o galego. Pódense visualizar sen ningunha dificultade moitos exemplos, dalgúns deles xa se ten falado moito neste blogue. Onte mesmo consumouse o primeiro atentado lexislativo contra a lingua galega ao aprobar o PP, en solitario, a reforma da Lei da Función Pública pola que se elimina a proba de galego nos exames das oposicións á administración.

Nesta noite de San Xoán imos acender as cachelas nas primeiras horas da noite, despois da cea, para facer fuxir os espíritos ruíns e para purificar á xente. Sería que por iso o BNG, quixo espantar con antelación suficiente no Parlamento Galego os malos espíritos encarnados no goberno do PP e no grupo parlamentar popular. O malo da situación actual é que non chega co fume para espantalos nin co lume para queimar todo o pernicioso que leva pasado cos actuais dirixentes da Xunta, pois nestes catro anos que nos quedan de desgoberno aínda nos agardan cousas malas no noso país. A ver se coa axuda da cachela, enfeitar as casas, o baño da media noite e lavarnos con auga de flores nos curamos dos aires lurpios…Mais tamén @s brux@s  mal@s da ultradereita saben dos usos da auga das fontes para facer os meigallos ou botarlla ben fría polo lombo ao noso pobo. Un exemplo evidente diso é que o goberno do Partido Popular  consumou hoxe o primeiro atentado lexislativo contra a lingua galega ao aprobar, en solitario, a reforma da Lei da Función Pública pola que se elimina a proba de galego nos exames das oposicións á administración galega. E para cegar ao pobo crea cortinas de fume que ademais lle axudan a tapar irregularidades. Por iso o BNG a través do deputado e ex conselleiro de medio Rural, Alfredo Suárez Canal, acusou ao Partido Popular de tentar “inventar cortinas de fume” para tapar “as evidentes irregularidades do seu Conselleiro Agustín Hernández” Read the rest of this entry »

Faltan cinco días para o 28 de xuño do 2.009 e xa se está a lembrar a chegada dos restos de Castelao a Galiza. Ese 28 de xuño  de 1984, o que debería ser un acontecemento nacional rematou sendo un desastre por culpa dun goberno conservador que non permitiu participar ás institucións coas que colaborou Castelao en vida nin a  todas as forzas políticas nacionais. Hai case dous anos  explicaba nunha entrevista  o dirixente do BNG, Francisco Rodríguez, a traída dos restos mortais de Castelao. Lembraba que houbo un conflito grave, porque os seus restos foron transportados nunhas condicións indignas, e expulsouse do parlamento varios deputados nacionalistas por protestar. Eses sucesos tiveron unha contestación moi forte, que levou a varias detencións e represión sobre certas persoas, entre as cales se atopaba el. Noutra entrevista,  Avelino Pousa Antelo lembra que o goberno de Fraga usou o nome do histórico galeguista para darlle  medallas  á xente que tiña insultado en vida ao propio Castelao. 

Agardemos que o fanatismo dos TUCSIM non  lles sirva para  usar  tamén o nome de Castelao en balde.