Pouco a pouco están aparecendo nos medios de comunicación as medidas do PP para saír da crise. Núñez Feijóo dixera que en 45 días e grazas ás súas propostas, o noso País sairía da crise. O tempo pasou e  o único proxecto do PP pasa polo recorte das prestacións sociais e a discriminación do galego. Pero, acenderon a luz  para alumearnos o camiño e, coas recentes   propostas do PP, xa non imos lembrarnos nunca máis da crispación e dos incumprimentos electorais de Feijóo desde que chegou á Xunta de Galiza. Non lle daremos importancia aos recortes de servizos públicos e das prestacións sociais, tamén ingresará  no mundo do esquecemento  a paralización de interesantes proxectos postos en marcha na anterior lexislatura. Nin nos decataremos da privatización dos servizos públicos e  das discriminatorias medidas en contra da cultura e idioma galego. Son tan interesantes as medidas anti – crise do PP e afectarán tan positivamente á maioría social, á poboación galega e á española, que elevaremos a un venerable pedestal a tan lúcidos dirixentes ultradereitistas. Tocado da man de Deus o  senador ourensán do Partido Popular, Miguel Pérez de Juan,  defendeu na Comisión de Economía e Facenda do Senado unha moción para suprimir o Imposto  de embarcacións de recreo, de iates.

Que ben!  a primeira medida do PP quere suprimir  impostos aos consumidores ricos!  Chapeau!