Uns 200 militares encapuchados tomaron desde primeiras horas da mañá deste domingo a residencia do presidente Manuel Zelaya , secuestrárono para expulsalo do país e levalo á forza a Costa Rica.
Tempo despois, como resposta ao golpe de estado,  diversos integrantes de movementos sociais en Honduras aglutináronse nos arredores da Casa Presidencial dese país (da que foi sacado á forza o presidente Manuel Zelaya por parte de militares insurrectos) para esixir o regreso do xefe de Estado. A protesta social denuncia a perpetración dun golpe de estado, xa confirmado por moitos medios e organismos como a ONU, os países do ALBA, a OEA  contra Zelaya. O ultradereitista presidente do congreso , co apoio dos militares golpistas, fíxose  coa presidencia do país debido á «ausencia» forzada do presidente. Micheleti e os seus amigos golpistas,  con esta  hipocresía propia dos oligarcas inhabilitan a un presidente elixido democraticamente e devolven a Honduras á  ditadura

O coordinador de Movementos Sociais, Luther Castelo, en declaracións ofrecidas a teleSUR fixo unha invitación ás organizacións internacionais «a que poñan os seus ollos en Honduras», porque aínda á vista dos observadores internacionais presentes no seu país, «militares entraron  na casa do presidente e leváronno.
«Os que estamos pedindo é respecto á integridade física do presidente e que sexa liberado», acoutou Castelo.

Sostivo que se realizou un chamado aos organizadores da consulta electoral feita polo presidente hondureño para que permanezan nos sitios habilitados para a votación.

«Nós estamos chamando aos compañeiros a que permanezan nos seus sitios firmes, velando pola realización da consulta», dixo Castelo, quen considerou que a actuación da Forza Armada hondureña «é unha violación flagrante aos dereitos humanos».

Alegría pediu ao pobo hondureño a defender a democracia que representa o goberno que lidera Zelaya.

«Non teñamos medo, temos que defender este proceso democrático que tanto nos custou», engadiu.
Forzas populares hondureñas convocan a folga xeral
As forzas populares hondureñas convocaron a partir deste luns a unha folga xeral permanente en apoio á constitucionalidade do Presidente da República, Manuel Zelaya e en contra do golpe de estado, orquestrado por unha conspiración político-militar avalada polo antidemocrático Congreso Nacional Hondureño.

A representante do Sindicato de Traballadores de Rexistro Nacional de Persoas, Maritza Somoza, informou que a iniciativa está apoiada por todos os traballadores do país centroamericano, as confederacións e organizacións do ámbito laboral de Honduras.

Somoza destacou que o sector laboral do país posúe unha profunda motivación para apoiar ao Presidente Constitucional de Honduras, debido a que o goberno de Zelaya foi o único que outorgou dignidade aos traballadores hondureños.

“É primeira vez que un Presidente deunos dignidade”, salientou Somoza, quen ademais destacou que en resposta a esa condición digna reivindicadora outorgado polo goberno constitucioanal de Manuel Zelaya, a bandeira do pobo hondureño agora será a convocatoria a unha Asemblea Nacional Constituínte.
Estase perseguindo a Comunicadores, Dirixentes e Lideres Sociais
Desatouse unha terrible persecución a lideres populares, moitos están buscando asilo político nas embaixadas. Tamén manifestan que Rafael Alegría dirixente popular pasou á clandestinidade, descoñecéndose o paradoiro do xornalista e secretario de prensa do presidente Zelaya, Raul Vallarales quen é perseguido implacablemente polas forzas golpista.

Os militares golpistas controlan as rúas
Os militares sacaron tanques e carros blindados ás rúas da capital e manteñen un dispositivo con ao redor de 300 efectivos ao redor da Casa Presidencial. Enfronte, centenares de persoas maniféstanse en sinal de «resistencia pacífica» contra a actuación dos militares, que ata o momento non se pronunciaron sobre a detención e a deportación do gobernante.

Presidentes do Alba anunciarán medidas nas próximas horas ante golpe de estado en Honduras

 
O Presidente da República Bolivariana de Venezuela, Hugo Chávez Frías, anunciou que os Presidentes da Alternativa Bolivariana para los pueblos de nuestra América (ALBA) atópanse en conversacións para anunciar nas próximas horas as medidas que tomarán ante o golpe de estado contra o Presidente de hondureño, Manuel Zelaya.

En contacto telefónico con Telesur, o Presidente Chávez informou que se atopa en conversacións con Fidel Castro e os Xefes de Estado de Cuba, Raúl Castro, e de Bolivia, Evo Morales, para tomar medidas extraordinarias e coordinar as estratexias antigolpistas.

“Os pobos do Alba estamos en combate, porque isto non termina hoxe. Isto está comezando, e esas forzas reaccionarias déronse conta da forza de que o pobo esta respondendo e da forza dos cambios. A este golpe ímolo a derrotar desde dentro e fóra; independentemente das forzas das forzas militares que teñan”, afirmou.

Así mesmo, exhortou aos militares golpistas a respectar a vida do Presidente Zelaya e a do pobo hondureño.
A Unión Europea (UE) en contra do golpe de estado

A Unión Europea (UE) condenou unanimemente o golpe militar  contra o presidente Manuel Zelaya e pediu a inmediata restitución da orde constitucional, segundo anunciou en Corfú o ministro español de Asuntos Exteriores, Miguel Angel Moratinos.
O secretario xeral da ONU, Ban Ki-moon quere que o deposto presidente, Manuel Zelaya, sexa restituído e que os dereitos humanos sexan totalmente respectados, informou a súa oficina de prensa.

Cal pode ser a causa do golpe de estado?

A participación de factores políticos e económicos ligados a laboratorios farmacéuticos transnacionais aparecía hoxe en Tegucigalpa como hipótese seria para explicar o movemento golpista impulsado por sectores da ultradereita en Honduras.
A decisión destas mafias farmacéuticas de apoiar o movemento desestabilizador contra o presidente Zelaya, xurdiría hai algúns meses tras o ingreso á Alianza Bolivariana para los Pueblos de América. En Honduras, máis do 80% dos medicamentos son provistos por empresas multinacionais, sendo a materia prima para a súa produción 100% importada, principalmente desde Estados Unidos e Europa.
Os países de orixe destes medicamentos son Panamá, Costa Rica, Estados Unidos e Guatemala: en Panamá atópanse situadas as plantas de laboratorios multinacionais como Glaxo , Sanofi e Smiyh Kline, mentres que en Costa Rica están Pfizer e Stein. En Guatemala atópanse Novartis, Bristol Myers e Aventis
A concreción dun acordo comercial establecido polos gobernos de Cuba e o hondureño tras o ingreso ao ALBA incluíu como unha das principais temáticas de intercambio, a importación de medicamentos xenéricos desde a illa caribeña como forma de contrarrestar os altos prezos dos medicamentos que o estado hondureño debe custear para a provisión dos seus hospitais públicos.

A principios de 2009 o goberno de Honduras intentou comprar medicamentos xenéricos aproveitando os acordos establecidos polo ALBA pero se atopou cun escollo interposto polas transnacionais a través do colexio químico farmacéutico quen argumentou aspectos burocráticos para facer caer as importacións provenientes de Cuba a prezos alcanzables: os intereses do poderoso lobbi farmacéutico norteamericano e europeo non permitirían a competencia da industria cubana ou doutras industrias nacionais farmacéuticas no mercado dos medicamentos de Honduras.

Pecharon Radio Globo de Honduras

Publica aporrea que ás seis da tarde hora de Venezuela foi pechada Radio Globo Honduras. Perdeuse o Contacto vía Internet e por celular. As últimas informacións indican que deberon saír cara á clandestinidade e ocultarse da policía que os asediaba.  Dende aporrea agardan contactar para seguir informando. Pero xa esta en marcha o toque de queda para reprimir calquera manifestación e vai ser complicado recibir máis información non manipulada.

 Transmisións clandestinas

Diante do peche dos medios de comunicación contrarios ao golpe de estado http://www.radioeslodemenos.org/transmite clandestinamente por Internet cunha liña de defensa da orde constitucional democrático nese país e denunciando o golpe militar.  A  información é obxectiva, mais  ten fallas pois os medios electrónicos están afectados pola sabotaxe produto do golpe de estado. Pero é boa se os usuarios queren ter fontes de información directas desde o propio país.