Curioso formato de entrevista ao Portavoz Nacional do BNG en GZNación  na que Guillerme Vázquez afirma que o BNG segue sendo unha forza útil para este país. “Unha forza que ten a cabeza e o corazón posto nos intereses do noso país; unha forza na que queremos dar resposta ás necesidades dos cidadáns. Somos a forza necesaria para que o país camiñe nun sentido mellor do que o fixo até o de agora. Dito isto, volvemos ao mesmo. Nós transmitiremos ese convencemento, e ao final os cidadáns serán os que nos xulguen, pero imos intentar acertar para que sexa compresíbel pola maioría social. Aspiramos naturalmente a ser maioría social, sabendo o que somos: a terceira forza política a nivel do Parlamento galego. Pero seguiremos insistindo en que somos necesarios e esperemos que a xente o entenda así.”

Por certo, na web do BNG, o Portavoz Nacional subliña que a praza da Quintana é do POBO GALEGO e non da igrexa, mais como aproveitan os bispos a chegada dos TUCSIM ao goberno!