Rogelio Martínez: Vaia exemplo de superdelegados ten o PP.

 Onde está o compromiso de Núñez Feijóo sobre a rexeneración democrática na Xunta ao manter a este político no seu posto?

O deputado do BNG, Alfredo Suárez Canal tamén apelou á desaparición dos superdelegados, aos que chamou “caciques de deseño” e “comisarios políticos”, que están a causar moitos prexuízos á cidadanía”.

Rogelio Martínez (exemplo de xeración TUCSIM) acusado de presunto fraude, estafa, malversación de fondos públicos e falsidade documental, presentouse no xulgado de instrución número 1 de Ribadavia despois de coñecerse a sentenza que ditou a Audiencia Nacional española. Nese auto obrígase ao delegado da Xunta e aos responsábeis de acreditar as obras do grupo de acción local Ceivam, a devolver ao Estado máis de 50 mil euros que presuntamente defraudaron dos fondos comunitarios, ao certificaren obras que  non chegaron a realizarse.

A candidata do BNG ás eleccións ao Parlamento Europeo, Ana Miranda, denunciou que  Rogelio Martínez é un exemplo de como o PP dilapidou os miles de millóns de euros que chegaron a Galiza, sen aproveitalos para crear riqueza no país e esixiu hoxe  ao presidente da Xunta de Galiza “a destitución inmediata do superdelegado da Xunta en Ourense”.

Anuncio electoral do BNG das Eleccións ao Parlamento Europeo  do BNG

No estado español tense falado moito da xeración JASP como máis preparada da historia dese pais. Na Galiza sería a xeración NASP -Novos Aínda que Sobradamente Preparados- pois  tiñan estudos universitarios e sabían idiomas, aínda que as distintas circunstancias impedíanlles chegar onde pensaban (traballo, vivenda propia,  estabilidade…) tendo en conta a súa formación. Decatáronse de que o futuro non estaba, nesas circunstancias, onde crían.

 Por iso a anterior administración galega consideraba necesario encontrar unha solución que lles permitise acadar unha verdadeira integración social. As políticas do anterior goberno Bipartito na Xunta de Galiza buscaban unha resposta a unha das máximas preocupacións dos cidadáns, entre elas o da xeración NASP: o acceso a un posto de traballo e a unha vivenda digna a prezos razoables, menores aos do mercado. Agardábase construír  45.000 novas vivendas protexidas até o 2.017. Esta política da consellaría de Vivenda formaba parte dunha política integral de cambio e innovadora das consellarías nacionalistas que colocaba a Galiza á vangarda do Estado para producir no noso país un desenvolvemento socioeconómico sustentábel. Nesta política transversal (da que se ten falado moito, e atacado duramente pola plataforma oligarquica-mediática do PP) destacaban as consellarías de Innovación e Industria, Medio Rural, Cultura e Vicepresidencia do anterior goberno da Xunta. Tratábase de acadar un obxectivo xusto que contemplase, entre outros, a creación de emprego estable, servizos sociais de calidade e un incremento da autoestima das galegas e galegos.

O apoio da famosa plataforma mediática, participando na campaña máis suxa da historia da democracia contra o nacionalismo, levou ao PP ao goberno da Xunta que, cunha política contraria aos intereses das maiorías sociais, apagou o Sol.

Dese xeito, chegou unha xeración de políticos grises a San Caetano que truncou a etapa bipartita (liderada polas políticas transformadoras do BNG) máis prometedora e con capacidade de construír a Galiza do futuro. Esa xeración de políticos do PP (sen proxecto de país) constitúen unha verdadeira brigada de demolición de políticas progresistas. A esa xeración de políticos demagogos no actual (des)goberno da Xunta chámolles  xeración TUCSIM: Trapalleiros, Ultra Conservadores, Sin Ideas, sen  proxectos de goberno para o noso país e Mintireiros. Read the rest of this entry »