O portavoz nacional do BNG, Guillerme Vázquez, participou esta mañá en Carballo nun mitin no que tamén interviron a candidata nacionalista ás eleccións europeas, Ana Miranda, e o alcalde da capital de Bergantiños, Evencio Ferrero.

O Portavoz Nacional do BNG avogou por defender os dereitos da clase  traballadora e dos pobos fronte a un Mayor Oreja, representante da elite oligarquica e alineado coa ala máis dura da Igrexa, que minimiza os abusos sexuais a menores. Guillerme Vázquez asegurou que o BNG quere unha sociedade libre e non “ayatólica”.

 Ana Miranda afirmou que o BNG en Europa, igual que nas institucións nas que estea representado, defenderá sempre os intereses de Galiza, pois a única formación política que se presenta ás eleccións europeas marcando a súa axenda desde Galiza é o BNG. Read the rest of this entry »

O deputado e ex conselleiro de Innovación e Industria do anterior goberno da Xunta, Fernando Blanco, falou en Malpica da necesidade votar nestas eleccións europeas en clave de defensa dos intereses de Galiza, pois estas eleccións celébranse nun contexto de crise económica nunha Europa dos mercaderes  que amosa un claro afán monetarista da minoría oligárquica, das grandes corporacións que degradan o estado de benestar, afectándolle clara e negativamente ás clases traballadoras, aos autónomos e ao pequeño e mediano empresariado como o galego.

 Exemplos claros disto témolo, entre outros,  no sector lácteo, na política agraria e gandeira, na pesca, na construción naval, no desregulamento laboral… Que Galiza teña representación política propia no Parlamento Europeo e noutras institucións, é irrenunciable para o nacionalismo galego e beneficioso para o conxunto da sociedade galega. O BNG defende unha  política europea  que aposte por un cambio de rumbo para reconducir a UE cara unha verdadeira Europa Social e dos Pobos que nos permita avanzar tamén na procura dun desenvolvemento económico autocentrado e sustentábel. Ao final do acto o deputado nacionalista convidounos a ler o programa electoral do BNG  xa que unha sociedade ben informada  é unha sociedade do coñecemento.

Gazas á reforma  que vai facer Núñez Feijóo da Lei de Función Pública,  @s futur@s funcionari@s poderán examinarse exclusivamente en castelán. Dese xeito, os opositores que opten a unha praza pública dependente da Xunta de Galiza xa non terán a obrigatoriedade de facer ningunha proba en galego. A chamada cortesía lingüística dos TUCSIM baseada na falsa “liberdade de elección” e defensora da “promoción do galego”  permitirá que ningunha administrada ou administrado poda ter, na realidade, o dereito  a ser atendido en galego. Feijóo pasa das críticas que a Mesa e as organizacións sindicais  lanzaron contra esta medida discriminatoria do idioma galego no noso propio país pois, como  explica o xefe dos TUCSIM,  hai que asumir os resultados  das eleccións. Xa se sabe, ou aprendemos a votar en clave galega ou pasa o que está a pasar. E aínda faltan uns longos catro anos para poder cambiar o actual goberno TUCSIM da Xunta. Máis datos aqui ou aquí

Das novas que me están a chegar comunico o lugar e hora do mitins que se realizarán en Bergantiños:

Venres, 29 de maio. 21.00 horas

 Casa da Cultura de Seia. Malpica de Bergantiños.

 Mítin do BNG, coas intervencións de:

 -Paco Souto (responsábel de organización do BNG de Malpica de Bergantiños),

-Daniel García (responsábel local) e

 -Fernando Blanco (deputado no Parlamento Galego).

Sábado, 30 de maio. 12.30 horas

 Mítin comarcal do BNG no Pazo da Cultura de Carballo.

Falarán:

 -Evencio Ferrero (alcalde de Carballo),

-Ana Miranda (candidata ao parlamento europeo) e

 -Guillerme Vázquez (portavoz nacional).

Domingo, 31 de maio. 20.30 horas

Mítin en Coristanco. Tasca A Pataca.

 Falarán:

- Laura Mariño (militante de Galiza Nova),

 -Manuel Vázquez (portavoz municipal) e

-Alberte Souto (candidato ao parlamento europeo).

Venres, 05 de Xuño de 2009. Ás 21:00 horas   

Mitin BNG nA Laracha. Lugar: Restaurante ABC

r/ López Astrai

 falarán:

-Soraya Grela (militante de Galiza Nova)

-Xoán M. Sande (voceiro municipal e deputado provincial)

-Alfredo Suárez Canal (deputado no Parlamento Galego)

Nunhas  declaracións ao xornal  “Faro de Vigo”, o voceiro da “Confederación das Asociacións de Pais de Alumnos de Colexios Concertados” (CONCAPA), José Ramón Hermida, dicía: “Utilicemos el sentido común. Químicas o Físicas, con tantas nomenclaturas internacionales, no se pueden dar en gallego. No podemos retroceder”.

Ese voceiro, con esas declaración,  ademais de amosar unha grande ignorancia ou mala fe prexuiciosa contra o noso idioma, conseguiu que  lle responderan  contundentemete  un grupo de nove científicos galegos que traballan en proxectos internacionais do Centro Europeo de Investigación (CERN) incluído o coñecido acelerador de electróns. Estes científicos consideran totalmente inadmisíbeis o declarado por ese voceiro discriminador, xa que no ámbito de traballo deles, onde  están os mellores enxeñeiros e físicos do mundo,  están acostumados a falar entre eles de temas de alto nivel científico en galego.

Para acceder á nova clica aquí