Non, non estamos a falar da designación de Agustín Hernández como Conselleiro de Obras Públicas e Medio Ambiente, esa persoa que, como lembra a deputada do BNG  Ana Pontón, despois de asinar na Xunta contratos millonarios para varias firmas, traballou nestas mesmas firmas semanas despois. Estamos a falar da totalidade do Consello da Xunta de Galiza. Que pensa facer Alberto Núñez Feijóo, como presidente da Xunta de Galiza ante o seu incumprimento da Lei de Igualdade no Traballo?

 No seu goberno non se establece o requisito legal de que todos os xéneros estean representados como mínimo nun 40% no Consello da Xunta. Dos 11 membros do consello, só catro son mulleres, dese xeito, ao incumprir o precepto legal, convértese nun “goberno invalidamente constituído”, o que xera unha situación de “inseguridade xurídica” que pode levar a que os actos levados a cabo polo executivo “sexan nulos de pleno dereito”. Se o encargado de facer cumprir a lei é o primeiro ignorala mal se comeza o camiño.  Lembra Pontón que “a lei de igualdade di que a porcentaxe do sexo menos representado no Consello da Xunta non pode ser menor ao 40%” e, neste caso, dos once membros do Consello da Xunta, só catro son mulleres, isto é o 36,36%. Read the rest of this entry »

O presidente de Irán, Mahmud Ahmadineyad, acudiu á cita para condenar a política represiva e a brutalidade do goberno de Israel contra os palestinos. Os delegados europeos abandonaron a sala cando cualificou ao goberno dese país como “racista”, pero os latinoamericanos permaneceron. Estados Unidos e outros oito países boicotearon o evento. A actitude do goberno de Israel contra o pobo palestino, e o apoio incondicional que mantén devandito goberno de parte de Estados Unidos e algúns gobernos europeos, foi o principal obxecto de controversias este luns na Conferencia Mundial sobre o Racismo da Organización de Nacións Unidas (ONU), que se celebra en Xenebra, Suíza. Read the rest of this entry »