O trunfo obtido pola Fronte Farabundo  Martí para a Liberación Nacional (FMLN) nas eleccións celebradas este domingo no Salvador, consolida o proceso da  unión e o camiño da liberdade dos pobos latinoamericanos iniciados coa Revolución Cubana e, tempo despois, pola Bolivariana. A Fronte Farabundo Martí para a Liberación Nacional (FMLN) gañou nas eleccións presidenciais celebradas onte no Salvador.  Co 92,02 por cento das actas de votación escrutadas, Mauricio Funes do FMLN obtiña o 51,2% dos votos, mentres o adversario, Rodrigo Ávila, do partido gobernante Alianza Republicana Nacionalista (AREA), obtivo o 48,7%, dixo o Tribunal Supremo Electoral (TSE).

Vinte anos de gobernos do partido de extrema dereita AREA, só lle trouxo ao pobo salvadoreño pobreza, explotación,  entreguismo, desintegración, represión, asasinatos, desaparecidos e unha nutrida migración. Mais, con esta vitoria, chegou a hora de integrarse no desexábel  desenvolvemento rexional do Sur, na transformación integral sudamericana que lidera, neste capítulo da historia, Venezuela. Read the rest of this entry »

En toda Galiza, até os que forman parte da plataforma mediática que axudou a gañar as eleccións ao PP, esperaban con grande  expectación o resultado do Consello Nacional do BNG que se celebrou este pasado sábado.

O secretario xeral da UPG e membro da Executiva do BNG en funcións, Francisco Rodríguez, fixo fincapé na fortaleza coa que saíu o Bloque Nacionalista Galego da celebración do Consello Nacional, e  mostrouse moi contento logo de disiparse o seu medo lexítimo a que as cousas se tirasen pola borda.  Francisco Rodríguez afirmou que está escorrentado calquera tipo de perigos graves para a formación nacionalista:

«Un sempre ten nestas situacións un medo lóxico a que certas cousas poidan acontecer, pero das graves non vai acontecer ningunha», celebrou. «Había un medo lexítimo, mais cando vin como comezaban as cousas fóiseme da cabeza», engadiu.

Debemos lembrar que a militancia nacionalista non era allea a todo ese debate, e, como subliñan en GZ Nación, o propio Carlos Aymerich confesou que o resultado do debate responsábel non só foi un alivio para a militancia e para os simpatizantes, senón que foi tamén unha noticia que foi acollida con alegría e ilusión e que grazas a iso  o BNG colle impulso para que dentro de catro anos  volva estar no Goberno galego. Amén!