O coordinador da Executiva Nacional e portavoz parlamentar do BNG no congreso dos deputados, Francisco Jorquera, afirmou que a forza á que pertence “nunca cometeu o erro de confundirse de adversario principal”. Algo que si fixo  “En política non se pode ser covarde e houbo quen dixo en metade de campaña –en relación a afirmacións do candidato socialista, Emilio Pérez Touriño, nun mitin– que apelaba aos votos para ter un apoio maioritario e gobernar sen ataduras e garantir que non se aplicasen políticas de imposición idiomática. Afirmar isto é tanto como dar a razón ao adversario político principal, que nós tiñamos claro que era o PP”, reprochou.

Engadiu que esta actitude significa “facerlle campaña á única forza política que podía gobernar con maioría absoluta e desacreditar a única alternativa posible”, así como “dar por bos os seus argumentos” acerca de que existe imposición lingüística na Galiza, algo que é “unha falsidade”. Ademais, lembrou  que tanto o departamento de política lingüística como o de educación foron xestionadas polo PSDEG na lexislatura que termina. Para acceder ao resumo da entrevista clica aquí

…o  BNG, sen dúbida o único que tivo intención de realizar políticas diferentes ás do pasado. Non sepode negar que iniciou a aplicación de importantes medidas de carácter estratéxico (Banco de terras, Lei de Montes, Seaga, reorientación da política enerxética…). Os efectos só se podían visualizar a medio ou longo prazo. Tamén comezou a sentar as bases dun sistema de benestar (Consorcio), contando co uso da lingua nacional (Galescolas). A hostilidade manifesta dos medios de comunicación hexemónicos de dentro e fóra de Galiza foi visceral, dentro da súa liña manipuladora sobre os “excesos identitarios” e a suposta imposición do galego. Non faltou tampouco o colaboracionismo do sindicalismo estatal no balbordo. Sen dúbida houbo intención, manifestada en normativa, de mellorar a calidade das vivendas e de potenciar a de iniciativa pública, contestada polo sector da construción. Son un pequeno botón de mostra… Artigo completo    Tamén aquí