A Mesa pola Normalización Lingüística chama a sociedade galega a participar masivamente nas urnas este próximo domingo 1 de marzo para respaldar máis avances no proceso de normalización de usos e funcións do idioma propio da Galiza na lexislatura que saia destas eleccións.

A maior asociación cultural do país propón que non se vote ás forzas políticas que quererían lexislar contra o galego, como é o caso do PP, que anunciou que no caso de gobernar derrogaría o decreto que regula un mínimo do 50% do ensino neste idioma. Segundo indica esta entidade, o PP debería aclarar se Galiza vai ser a única comunidade autónoma con lingua propia diferente ao castelán que non vai regular de ningún xeito a presenza do seu idioma no sistema educativo. saber máis

Algúns medios da dereita e da extrema dereita son cómplices ou parte dun plano de actuación  moi suxo que se basea en espallar falsedades sobre @s candidat@s do BNG, sobre todo do cabeza de lista, Anxo Quintana, para incidir no electores con finalidade de fomentar a abstención e desmobilizar aos votantes de esquerda e nacionalistas. Este plano cumpre como mínimo, ou pretende,os seguintes  obxectivos:

-Crear unha cortina de fume para que o seu público se esqueza dos supostos casos de corrupción do PP investigados polo xuíz Garzón e que con toda probabilidade ditaminará sentencia de culpabilidade. Read the rest of this entry »

Subo un artigo do camarada Vitor, que me enviou ao correo electrónico, e que me parece moi axeitado. Obrigado Vítor:

A dereita está moi interesada, ultimamente, en sementar a idea de que todas as forzas políticas son iguais. Saben que unha elevada abstención devolvería ao PP ao goberno galego. Por iso, é preciso que o pobo galego se manifeste en masa acudindo a votar. Porque non, non todas as forzas políticas son iguais. Read the rest of this entry »

As persoas asistentes ao mitin multitudinario, en resposta ao golpismo mediático, conectaron dende o principio do acto público cos intervintes e, por suposto,  co Vicepresidente da Xunta e candidato á presidencia, Anxo Quintana, que participou onte á tarde nun acto público na Coruña, no que tamén interviron o tenente de alcalde da Coruña, Henrique Tello; o número tres pola Coruña, Carlos Aymerich, e a número dous, Ana Pontón.

Na súa súa intervención pediu o voto para o BNG co respaldo da palabra dada hai agora tres anos e medio e fixo un repaso das políticas “transformadora” que o nacionalismo leva anos desenvolvendo desde o goberno da Xunta. Esperaban, os que mandaban e non se presentaban ás eleccións, que foramos un partido bonsai, mais   o bonsai medrou e as raíces afincaron na terra e estendéronse no país e dixeron que a terra é para quen a traballa.

Quintana aludíu ás mentiras verquidas contra o BNG nesta campaña e indicou que “hai tres tipos de mentira, a mentira, a maldita mentira e as estadísticas. O PP nesta campaña ten utilizado a tres. Empezou polas estadísticas para falar das cifras do paro, fala de números con desprezo. O que lle interesa é lanzar mensaxe catastrofista que nos leve a pensar que non é posíbel.

Emprazou aos asistentes a votar porque “o que nos xogamos é ben sencillo: ou lle entregamos o goberno de Galiza a aqueles que non cren en Galiza e nos piden o voto para gobernar, ou lle damos o voto ao BNG para que Galiza poida ter un goberno que goberne para a xente e faga o necesario para que Galiza sexa respectada”.

Quintana amosou hoxe a papeleta do BNG pola provincia da Coruña e comentou que nestes anos tense insinuado a posibilidade de que o BNG cambiara a estrela do logo e, aínda que confesou que a el lle gusta, indicou que, se se cambiara, “sería para introducir un corazón, o corazón de aqueles galegos e galegas que cando pensan en política pensan que Galiza ten que ser o primeiro”.

Cando rematou o mitin moitos dos asistentes cantáronlle “cumpreanos feliz” a Anxo Quintana quen, agradecido, envioulles uns bicos.

 Segundo anunciou o presidente da Mesa pola Normalización Lingüística , Carlos Callón, presentarán unha queixa ante o Ministerio do Interior ao entender que a policía española «vulnerou os dereitos lingüísticos» o pasado domingo, día 8, en Santiago durante a marcha convocada pola plataforma Galicia Bilingüe (GB),e á que asistiron importantes cargos políticos do Partido Popular.

 Callón, denunciou que, como consecuencia das pelexas, as forzas de seguridade «obrigaban a identificarse a calquera persoas que falara galego» na zona vella da cidade. A este respecto alegou que «non se pode criminalizar a ninguén por expresarse non seu idioma» e tachou de «inxustas e desproporcionadas» as actuacións policiais.

Por outra banda Leonard Orban, o comisario de Multilingüismo da UE,  anunciou este martes que en abril virá até o noso país para coñecer a rede de galescolas. Orban quere demostrar así o seu compromiso cos traballos de normalización do galego, logo de que un informe europeo sobre linguas minorizadas gabase os proxectos educativos de Vicepresidencia da Xunta de Galiza.

Orban fixo o anuncio durante un encontro co presidente da Mesa pola Normalización Lingüística, Carlos Callón, e a responsábel do BNG no exterior, Ana Miranda. Na súa visita a Bruxelas, os dous representantes galegos mantiveron tamén contactos con eurodeputados da ALE,  do grupo socialista e do Partido Popular Europeo. Nos mesmos explicáronlle a posición subalterna que continúa a ter a nosa lingua no propio país, pois só en 12 anos pasou de ser o idioma inicial do 60% da poboación a só do 20%.