Aymerich fala claro, clarísimo, da actitude do PSOE como socio de goberno. Na entrevista critica a Manuel Vázquez, a quen lle lembra que ‘tivo catro anos para ampliar a Rede Natura, pero pasoulle como co saneamento das rías, non o deu feito, estaría ocupado nos seus negocios’. O PSOE estaba de acordo co modelo eólico do PP, había destacados militantes socialistas beneficiados, como Paco Vázquez, nunha adxudicación que investiga a Fiscalía, que sabemos actúa con moita independencia [risos].

 Tamén denuncia ‘unha rede con 100 axentes electorais e cinco liberados do PSOE’ na Arxentina.

Carlos Aymerich fala da necesidade dunha maior intervención na economía. Propón, como expresara outras veces o BNG, un instituto de crédito oficial galego. Non é de recibo que o Estado dea 150.000 millóns á banca e que agora o sector naval en Galiza teña problemas de liquidez. Igual temos que eliminar intermediarios, canalizar eses investimentos a través dun instrumento público.

 Tamén lembra que O PP xoga con lume, quere converter o conflito lingüístico nun conflito entre comunidades. A paz lingüística do PP consiste en que os galegofalantes renunciemos aos nosos dereitos e que non se cumpra a lei.Segue a entrevista