Con motivo destas celebracións, as autoridades de Irán asistiron a mañá do sábado a un acto simbólico na tumba do fundador da República islámica , no sur de Teherán, para mostrar o seu compromiso cos ideais de devandita revolución, entre eles, o presidente Mahmud Ahmadineyad, acompañado por membros do goberno.

Cando o avión de Air France que traía ao Imán Jomeini desde Francia aterrou en chan iraniano hai 30 anos, millóns de persoas esperaban ao novo líder que ía coller as rendas do país, no que sería o acontecemento máis importante da historia contemporánea de Irán xa que remataban 25 séculos de hexemonía monárquica continuada, dando paso a un novo sistema de goberno, insólito en Persia: a República Islámica cun presidente electo cada catro anos.

O IMÁN VÉN, O SHA VAISE

Desde que o 31 de xaneiro de 1979 o imán Jomeini regresase de París (do exilio) até o 10 de febreiro, foron denominados aqueles dez días como “Dahe-ye-fajr” (Os dez días do amencer).

O Imán Jomeini funda a República Islámica e acaba co réxime monárquico de Mohammad Reza Pahlevi, o último Sah, iniciándose  un proceso político que aínda continúa hoxe día.

O goberno de Jomeini interrompeu a occidentalización levada a cabo polo Sah de Persia e procurou acabar coa corrupción existente no país.
Tamén se deterioran considerablemente as relacións cos EE.UU. En novembro de 1979 uns 500 estudantes, considerados seguidores de Jomeini, asaltaron a embaixada de Estados Unidos en Teherán como protesta ante o intervencionismo estadounidense e israelí, producíndose a famosa crise dos reféns que duraría 444 días.

 As conmemoracións do 30 anos de Revolución Islámica, que comezaron o sábado, arrincaron co son dos chifres dos trens e as sirenas dos barcos por todo o país, cos nenos gritando «Alahu Akbar» (Deus é grande) e «morte a EE.UU.» ás 09.30 exactas, a hora na que hai 28 anos o Imán Jomeini aterrou no aeroporto de Mehrabad, Teherán.  A conmemoración da Revolución Islámica prolongarase durante dez días e culminará cunha gran manifestación.

Hoxe en día, e con distintos gobernos saídos das urnas a longo dos 30 anos de Revolución Islámica, téñense producido considerábeis avances en distintas áreas, mais a cuestión da igualdade de xénero segue sen ter unha solución acaída aos tempos actuais nun país tan vital como Irán.