A recoñecida asociación sempre se expresou con rotundidade na defensa dos intereses veciñais, aquí temos un exemplo:

«…Neste senso, é moi importante para nós lembrar que durante 16 anos do anterior goberno da Xunta non se creou nin un só Centro de Día público (a pesar que a veciñanza o demandaba), e loxicamente non podemos apoiar este tipo de políticas porque sería traizoar á veciñanza e ir en contra dos desexos dunha maioría. Pola contra sabemos que en menos de 4 anos, a Vicepresidencia da Xunta de Galiza, está próximo a crear 55 Centros de Día en todo o país…»

Aquí podes ler  o comunicado completo

Esta interesantísima  entrevista, que en formato papel está nas páxinas 16, 17 e 18 do Xornal, aparece no  xornal.com  en dous apartados. Non a perdas, Francisco Rodríguez fala moi clariño, doado de entender. Un dos titulares que aparecen no café de redacción do xornal é Temos que combatir o abstencionismo, pero hai máis:

 »…O bipartito, en xeral, gobernou ben, pero pode haber xente que teña a impresión de que se podía ter feito moito máis e iso pode provocar abstencionismo en certos sectores. O que hai que combater é iso. Temos que conseguir que o público crítico, con certa razón, contraste esa crítica con aspectos que se cadra non lle afectaron pero foron moi positivos. Hai que ter unha perspectiva global, meditada, e evitar esas actitudes viscerais que se dan en sectores minoritarios que son electoralmente relevantes, mesmo claves, para reeditar o bipartito. Non esquezamos que o BNG depende de 5.000 ou 6.000 votos, e ese pode ser o público con dúbidas. Eu convidaría a este público, que se di informado e moi politizado, a facer xuízos de valor ponderados…

O grande problema que teñen os partidos políticos españois, tanto o PP como o PSOE como IU, é a reforma electoral. Se por eles fose, sería unha reforma estatalista para desfacerse do incordio. A tendencia que teñen estas sociedades democráticas ao autoritarismo e á fraude vímola co voto emigrante. O PSOE sabe que vai ser a opción maioritaria na emigración. Ese non é o problema. O problema é que saben que teñen aí dous deputados pendentes, e chega a enlamarse nunha cuestión tan sumamente antidemocrática por unha cuestión de poder…»

Unha frase que subliñan: «O que dixo Palmou foi maxistral: non se pode querer a Galiza e non ao galego»

Para lela clica aquí

Máis aquí

Ti para votar terás, ademais de estar correctamente censado, que ter o carné de identidade, pasaporte ou carné de conducir, mais os descendentes dos residentes ausentes chegaralles co certificado consular. A Xunta Electoral Central ditou a pasada noite unha instrución para as eleccións vascas e galegas do próximo 1 de marzo na que permite que os emigrantes e descendentes poidan achegar o certificado de inscrición no Rexistro de Matrícula Consular. Deste xeito, non terán que presentar tan sequera a fotocopia do Documento de Identidade (DNI) nin do pasaporte nin do certificado de nacionalidade, documentos que se empezarán a esixir nestes comicios. Semella que a presión do PSOE doulle moi bo resultado, pois iso si que é democracia enlamada partidario-socialista. Mi madriña!

Segundo resaltan diversos medios informativos nacionais e estatais, a Fiscalía Anticorrupción solicitou hoxe ao xuíz da Audiencia Nacional Baltasar Garzón que se inhiba na causa pola que investiga a trama de corrupción relacionada coa operación Gürtel a favor dos tribunais superiores de xustiza da Comunidade Autónoma de Madrid e da Comunidade Valenciana.

Isto suporía, atendendo ao publicado polos devanditos medios, que a investigación da totalidade do sumario recaería no Tribunal Superior de Xustiza de Madrid, agás determinados feitos, perfectamente escindibles, que correspondería investigar ao Tribunal Superior da Comunidade Autónoma de Valencia.

A Fiscalía aclara que as dúas fiscais encargadas do caso presentaron esta mañá no Xulgado Central de Instrución número 5 este informe, que lles solicitou Garzón para que se pronunciasen sobre os pasos a seguir no caso de que puidese haber imputados aforados na causa. O pasado venres, Garzón anticipou no auto polo que rexeitou a personación do Partido Popular (PP) na causa que existen serios indicios de que persoas vinculadas a esa formación política poderían ter responsabilidade nesa causa ou naqueloutras que se incoen tras a inhibición que se acordará por razón de aforamento dalgunhas delas. Read the rest of this entry »