Dúas persoas propinaron unha malleira a Francisco Castro, que precisou atención médica.

 Francisco Castro, militante do BNG residente en Barcelona e que se atopaba estes días na súa localidade natal de Muíños (Ourense), foi vítima dunha agresión ocorrida sobre as 23 horas de onte venres, cando se atopaba pegando carteis de propaganda electoral nacionalista no centro do concello ourensán.

Castro foi agredido neses momentos polo tenente de alcalde de Muiños, Jacinto Pena, que lle propinou unha malleira. A causa dela tivo que  recibir atención médica.

A vítima tiña previsto presentar unha denuncia polos feitos á primeira hora da mañá nos Xulgados de Bande, mais ao estar pechados  formalizaráa nas próximas horas en Ourense.

O militante do BNG lamentou os feitos pois máis que unha agresión persoal é realmente unha agresión á liberdade de expresión e á democracia.

Gráfico do que  pode pasar se goberna o PP na Xunta de Galiza. Reflexiona, por favor!

Clica na imaxe para agrandala

Fernando Blanco, conselleiro de Industria, denuncia que esta foi a campaña máis sucia polas «acusacións sen fundamento» contra o Bloque Nacionalista Galego e teme que isto marque tendencias. Aquí a entrevista

Despois da campaña feita polos populares, sen propostas, sen ideas, cunha campaña na que todo vale, superando os límites imaxinábeis, a campaña máis suxa e máis rastreira que se recorda na democracia española rematou. Como no Partido Popular non tiñan propostas, non houbo valor político para debater e só usou as mentiras, mesmo sobre a vida persoal dos candidatos (sobre todo a de Anxo Quintana), usáronse paparazzis e mesmo se inventaron accidentes de tráfico nun ataque mediático golpista sen precedentes contra o nacionalismo galego.

Xa o dixo Anxo Quintana, no último mitin da campaña, diante de 6.000 persoas: Despois de prender o lume, organizar a cacería, prender os mistos e ser o causante”, dixo Quintana, “garde as súas desculpas cínicas porque non valen, señor Feijóo, vostede está inhabilitado non só para ser o presidente da Galiza, senón para ser presidente da comunidade de veciños do seu edificio.  Máis estea vostede tranquilo porque non somos todos iguais, porque, nin eu nin o BNG utilizaremos o que nos fixeron a min, á miña familia, ou aos compañeiros e compañeiras do BNG como o fixeron vostedes”.

Finalmente, Quintana parafraseou tamén a Basilio Álvarez para reclamar que “máis carbón para as caldeiras da locomotora que é este país” e reclamou un último esforzo para “a batalla máis importante que o nacionalismo tivo que dar en Galiza (o 1 de marzo).

Agora toca reflexionar, pois o domingo xogámonos darlle continuidade a facer realidade o gran soño dunha Galiza que se quere, que desexa ser o mellor país do mundo, un país respectado, unha terra de benestar, ou entregarlle o goberno a aqueles conservadores que nunca creron na Galiza, que  non teñen programa nin teñen futuro para o noso país.