Por segundo día consecutivo Israel impide a entrada en  Gaza, onde existe unha desastrosa situación humanitaria, dun  equipo médico da Cruz Vermella Internacional que poida curar ás persoas que sufren os bombardeos dos sionistas invasores. Desde que se iniciaron os bombardeos contra Franxa de Gaza, Isarael asasinou  máis de 510 palestinos e feriu ou mutilou máis de 3.000. Coa invasión incrementouse considerablemente o número de vítimas civís.

A anunciada incursión israelí en territorio palestino comezou o sábado 3 de xaneiro. Unha columna de tanques, acompañados de miles de soldados e helicópteros de combate, penetraron polo norte da Franxa de Gaza.
Escoitáronse disparos de artillería e fortes explosións.

A incursión foi confirmada por un  portavoz militar israelí, previamente uns 10.000 militares estaban preparados para cruzar a fronteira e iniciar a invasión. Aos xornalistas internacionais (Israel) impediulles a entrada a Gaza, onde non hai electricidade, a xente atópase atrapada dentro da Franxa, xa que todas as fronteiras están pechadas. Non hai xeito de entrar nin saír de Gaza.
Os habitantes do norte de Gaza están aterrorizados polos tanques israelís que, xunto aos avións F-16, artillería terrestre e a mariña militar, estaban bombardeando a cidade.

Desde ese momento, «moitas das ambulancias palestinas que saían a facer servizos empezaron a regresar porque non podían chegar aos lugares onde tiñan que atender aos feridos, xa que os impactos dos mísiles fixeron buracos inmensos nas rúas que non lles permiten avanzar».

O edificio da Media Lúa Vermella recibiu os impactos de grandes anacos de metralla que danaron o edificio e esnaquizaron  ambulancias.

Preto da medianoite descoñecíase o número total de vítimas da operación, posto que os hospitais de Gaza non puideran ofrecer ata entón un reconto.
O secretario xeral da ONU, Ban Ki-moon, expresou o sábado a súa «preocupación e decepción» pola nova etapa na que entrou o conflito en Gaza, xa que «levará inevitablemente» a un incremento do sufrimento da poboación civil afectada.
O secretario xeral falou co primeiro ministro israelí, Ehud Olmert, e transmitiulle a súa «extrema preocupación e decepción».

A reunión de urxencia do Consello de Seguridade da ONU, onte sábado, non puido nin sequera emitir unha declaración oral que expresase a seria preocupación pola escalada de violencia e a situación en Gaza por mor da invasión terrestre israelí e que chamaba a un inmediato alto o fogo. 
Diplomáticos do Consello dixeron que Estados Unidos asistiu á reunión con «instrucións estritas» de non aceptar que se emitise ningunha declaración por escrito.
Mentres Israel comeza a ocupar zonas urbanas de Gaza de camiño que asasina á resistente poboación palestina. Aínda que a pelexa é absolutamente desigual ( un poderoso exército invasor  israelí apoiado por EUA contra unha poboación invadida practicamente indefensa) anunciouse que polo menos 30 dos soldados sionistas resultaron feridos, dous deles graves, 9 mortos e 2 capturados durante a segunda fase da invasión á cidade palestina de Gaza.

É unha guerra entre David e Goliat: o Israel, que está producindo unha masacre contra a poboación palestina, é unha potencia nuclear que conta cun exército  apoiado polos USA (chamado o Tsahal), con 186.500 efectivos (que pode triplicarse en poucas horas grazas á mobilización de 445.000 reservistas). As Forzas de Defensa Israelís (IDF equipadas con poder nuclear e convencional -segundo datos recentes proporcionados pola publicación especializada «The Middle East Military Balance»- conta con 16 divisións subdivididas en 76 brigadas e dispón de 3.930 blindados armados, 8.000 medios blindados para transporte de tropas e 1.348 medios de artillería. A forza e o poder de fogo máis importante do Tsahal é a aviación de guerra que dispón de 798 cazas de combate, 87 avións de transporte e 297 helicópteros (incluídos de asalto Apache, Cobra e Defender), mentres a defensa antiaérea posúe un centenar de baterías misilísticas. A mariña israelí pode despregar seis submarinos con poder nuclear, 20 naves de combate e 34 gardacostas. Dixe anteriormente que na invasión terrestre a Gaza participan 10.000 efectivos, con apoio de artillería, tanques e blindados liviáns, bombardeiros B 15 e B 16, e helicópteros portamisiles  teleguiados electrónicos que «varren» constantemente a xeografía e o espazo superpoblado de Gaza.
Hamás (Movemento de Resistencia Islámico) que gañou as eleccións en Gaza, e o seu brazo armado, as Brigadas de defensa Ezzedine ao-Qassam, contan con ao redor de 25.000 homes ademais dos 2.000 ó 3.000 foguetes Katiuska, Grad e Qassam. Os combatentes defensores de GAZA (de Hamás) contan con fusís de asalto Kalashnicov, metralladoras,   lanzacohetes RPG, morteiros de 120 milímetros e fusís anti-tanques Sagger. A diferencia entre o invasor e o invadido é colosal. Por iso se está a producir unha desastrosa situación humanitaria en Gaza, mentres a ONU cala cando se produce este enorme crime. Sería acaído saber que pasa cos supostos defensores dos  dereitos humanos que se manifestan contra o terrorismo? Ah! é unha guerra entre iguais. Que hipócrita a Unión Europea: cualificou a invasión das tropas terrestres israelís na franxa de Gaza como «máis defensiva que ofensiva». Os USA apoia a Israel. O mundo patas arriba!