O candidato do BNG á Presidencia da Xunta de Galiza e portavoz nacional da fronte, Anxo Quintana, apelou onte, sábado, aos máis de 3.000 militantes e simpatizantes asistintes á Convención Electoral Nacional de presentación das candidaturas do BNG, a traballar “barrio a barrio, casa a casa e pobo a pobo, como sempre fixo o nacionalismo”, e utilizando “toda a capacidade de seducción” porque “cada apoio ao Bloque é un si ao respecto por Galiza” e coa vitoria dos nacionalistas “gaña o país”.